Majmua Rasail Imam Shah Waliullah r.a مجموعہ رسائل امام شاہ ولی اللہؒ

Description

تعارف مصنف و ناشر:۔
سعادت: حکیم الہند حضرت مولانا شاہ ولی اللہ محدث دہلوی ؒ کابراعظم پاک وہند پر عظیم احسان ہے۔ حدیث مبارکہ کاچرچا اس خطے میں نہیں تھا۔ حضرت شاہ صاحبؒ مدینہ منورہ سے حدیث شریف کاعلم حاصل کرکے آئے اور ہمارے اس خطے میں حدیث کے علم کو عام فرمایا۔
ہمارے خطے میں مسلمانوں کے جتنے بھی مکاتب فکرہیں، ان کا سلسلہ حدیث حضرت شاہ صاحبؒ تک پہنچتا ہے۔ اس طرح حضرت شاہ صاحبؒ ہم سب کے دادا استاد ہیں۔ اس لیے ان کی تصانیف پرسب کواعتماد ہے۔
آپ کی تصانیف علم کے نور سے بھرپور ہیں۔ اکثرکتابیں اب نایاب تھیں۔ مولانا عطاء الرحمن صاحب قاسمی کواللہ تعالیٰ خوب جزائے خیر دے کہ انہوں نے محنت شاقہ کے بعد انہیں ترتیب دیا اور چھاپا۔ پاکستان میں اس کی اشاعت کا سہرا قدیم ناشرمحترم جنات خالد علی صاحب(مالک شمع بک ایجنسی کراچی ) کے سرہے۔ موصوف نے تین چار ماہ کی رات دن کی محنت کے بعد اسے نئی کمپوزنگ کراکے خوب صورت انداز میں شائع کیاہے۔
اللہ تعالیٰ اس محنت کو ان کے حق میں ، نیز مصنف ، مرتب، ناشراور قاری کے حق میں قبول فرمائے اور مزید علم کی خدمت کی توفیق دے۔ آمین